15:55 / 19.04.2019
6 466

Италияликлар самолётдан ҳам учқур машина ишлаб чиқаришди

Италияликлар самолётдан ҳам учқур машина ишлаб чиқаришди
Италиянинг электр гиперкари — «Pininfarina Battista» биринчи марта шаҳар йўлларида намойиш этилди. Нархи ҳам (2,6 млн. доллар), тезлиги ҳам (атиги 1,8 сонияда 100 км/соат тезлик) ақлни шоширади. Яъни «итальян» шу пайтгача яратилган бензинли, гибрид ёки электр автомобилларнинг истаганидан анча тезкор.

Супермашина муаллифларининг айтишича, у «F-16» қирувчи самолётидан аввалроқ 300 км/соат тезлик олади. Аккумуляторлари сиғими бир қувват олишда 480 километр масофани босиб ўтиш учун етарли. Қанчалик ажабланарли бўлмасин, автомобилнинг максимал тезлиги электрон спидометрда 350 км/соат билан чекланган.

Ишлаб чиқарувчилар «Pininfarina Battista»ни GT тоифасидаги энг учқур автомобил бўлади дейишмоқда. Бунга 2 минг от кучига эга электродивигатели билан эришилади. Тезкор қувватлаш технологияси эса аккумуляторларни атиги 40 дақиқада 80 фоизга тўлдириш имконини беради.

Манба: Xabar.uz

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Авто » Италияликлар самолётдан ҳам учқур машина ишлаб чиқаришди