Ўзбекистонга олиб кирилувчи автомобиллар бўйича бож қайта кўриб чиқилиши мумкин

Бугун, 26 июнь куни Ахборот ва оммавий коммуникациялар агентлигида Давлат божхона қўмитаси мутасаддилари иштирокида «Божхона соҳасида тадбиркорлар учун яратилаётган қулайликлар» мавзусида матбуот анжумани ташкил этилди.

Kun.uz нашри хабар беришича, тадбирда қиймати баланд автомобиллар учун божхона тўлови камайтирилгандан сўнг олиб кирилган автомобиллар ва электромобиллар сони ҳақида ҳам ахборот берилди.

Маълумотларга кўра, 6 ой давомида 600дан ортиқ автомобиль, 20та электромобиль юқоридаги имтиёздан фойдаланган ҳолда Ўзбекистон ҳудудига олиб кирилган.

Шунингдек, хориждан келувчи автотранспорт воситалари учун божлар қиймати ҳам қайта кўриб чиқилиши мумкин. Айни пайтда Олий мажлисга киритилган утилизация йиғими бўйича қонун лойиҳаси доирасида бу масалани ҳам муҳокама қилиш режалаштирилган. «Замин»ни Telegram’да ўқинг!