Андижонда «Хан» бренди билан электромобиллар чиқарилиши мумкин (видео)

  • 02 ноябрь 2019, 11:30
  • 2 755
  • Авто
  • Андижонда «Хан» бренди билан электромобиллар чиқарилиши мумкин (видео)
    Андижон вилоятининг Хонобод шаҳрида 2020 йилдан бошлаб «Хан» бренди остида электромобилларни ишлаб чиқариш режалаштирилмоқда. Бу ҳақда Андижон вилоят ҳокимлиги матбуот хизмати хабар қилмоқда.

    «Hanabad QB Coin» МЧЖ мутахассислари Андижон вилоятида турли русумдаги электромобилларни ишлаб чиқаришни йўлга қўйишни режалаштирган», — дейилади хабарда.

    Вилоят ҳокими Шуҳратбек Абдураҳмонов Ўзбекистон Республикаси Савдо-саноат палатасининг Андижон вилоят бошқармасида хорижлик сармоядорларни қабул қилган. Вилоят раҳбари хорижлик сармоядорлар билан суҳбат давомида ушбу лойиҳани тўлалигича қўллаб-қувватлашини билдириб, уларга белгиланган имтиёз ва имкониятлардан фойдаланиш борасида тушунчалар берди.

    «Хан» бренди остида ишлаб чиқилиши режалаштирилаётган электромобиллар туркуми ихчам енгил электромобил, ИИБ хизмати учун махсус электромобил ҳамда кичик автобус шаклида ишлаб чиқарилиши мумкин.

    Бир қувватланишда электромобиллар 100-150 километр масофани босиб ўтади. Электромобилни уй шароитида 220 вольтли розеткадан ҳам қувватлантириш мумкин.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Андижонда «Хан» бренди билан электромобиллар чиқарилиши мумкин (видео)