10:34 / 24.11.2019
4 423

Tesla янги электропикапига 2 кун ичида 146 мингта буюртма олди

Tesla янги электропикапига 2 кун ичида 146 мингта буюртма олди
Фото: Tesla
Tesla асосчиси Илон Маск компания янги электромобили – Cybertruck пикапига 146 мингта буюртма олганини маълум қилди.

Tesla янги электромобилиини 22 ноябрга ўтар кечаси тақдим қилганди. Машина дизайни “Тиғ бўйлаб югурувчи” фантастик фильмидаги машинаники каби бўлиб, унинг энг арзон варианти 39990 доллардан, бир қувватланишда 300 миль (550 км) юрувчи варианти 49 990 доллардан ва 500 миль (900 км) юрувчи ва 3 та электромоторли варианти 69990 доллардан сотилиши режалаштирилган.

“Айни вақтда 146 мингта буюртма олинди. 42 фоиз буюртмачи 2 моторли, 41 фоизи 3 моторли ва 17 фоизи бир моторли вариантни танлади. Ҳеч қандай рекламасиз”, деб ёзган Маск твиттерда.

Маск машина тақдимоти вақтида янги пикап том маънода ўқ ўтказмайдиган эканини, унинг эшиклари SpaceX ракеталари яратилишида қўлланадиган қотишмадан ишланишини айтган. Бироқ машинанинг зарбаларга чидамли деб таърифланган ойнасини намойиш вақтида синдиришга муваффақ бўлинган. Маск эса бунда қўлланган металл шарча четга учиб кетиб, машина салонига тушмаганини қайд қилиб ўтган.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Авто » Tesla янги электропикапига 2 кун ичида 146 мингта буюртма олди