14:23 / 17.01.2020
3 137

Аstana Motors 2019 йилда Ўзбекистонга қанча Hyundai автобилларини сотгани маълум қилинди

Аstana Motors 2019 йилда Ўзбекистонга қанча Hyundai автобилларини сотгани маълум қилинди
Фото: Forbes.kz
Қозоғистоннинг Аstana Motors компанияси 2019 йилда Ўзбекистонга 224 дона Hyundai автомобилини сотган. Бу ҳақда компания раҳбари Нурлан Смагуловга таяниб, Forbes хабар берди.

У ҳозирда савдолар ҳажми у қадар йирик эмаслигини тан олиб, бозорнинг истиқболли эканлигини таъкидлаган.
«Ўзбекистон ҳукумати бозорни очиш кераклигини, соғлом рақобат зарурлигини тушуниб турибди. Истеъмолчилар бошқа ишлаб чиқарувчиларнинг маҳсулотини ҳам кўришни истайди», — дейди бизнесмен.

Смагуловнинг сўзларига кўра Ўзбекистондаги иккита савдо нуқтасига Тошкентдан яна иккита автомарказ қўшиш ва Бухоро ҳамда Самарқандда ҳамкорларни жалб этиш кўзда тутилган.

Аstana Motors Ўзбекистонда Hyundai енгил автомобилларини сотишни режалаштираётгани ҳақида 2018 йилнинг ёзида хабар берилганди. Ўша вақтда Аstana Motors бир неча йиллардан буён Ўзбекистон экспорт учун чегараларни очишини «диққат билан кутгани» маълум бўлганди.

2019 йилнинг январида Тошкентда Hyundai Аuto Asia дилерлик автомаркази очилганди.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Авто » Аstana Motors 2019 йилда Ўзбекистонга қанча Hyundai автобилларини сотгани маълум қилинди