07:26 / 18.07.2020
863

Интернетда водородда ҳаракатланадиган Hyperion суперкарининг навбатдаги тизери пайдо бўлди

Интернетда водородда ҳаракатланадиган Hyperion суперкарининг навбатдаги тизери пайдо бўлди
Фото: Motor
Американинг Оринж шаҳридаги Hyperion Motors стартапи XP-1 водород суперкарининг навбатдаги тизерини намойиш этди. Бироқ стартап бу сафар ҳам ҳеч қандай тафсилотларни ошкор этмаган, деб хабар беради Motor.
Навбатдаги тизерда водород суперкарининг премьераси қачон ўтказилиши маълум қилинган — шу йилнинг август ойида.

Hyperion Motors фирмаси ҳақида кўп нарса маълум эмас. Компания водород генерациясига асосланган технологиялар ва ёқилғи элементларига оид агрегатларни яратиш билан шуғулланади, бироқ фаолиятини ҳеч қаерда эълон қилмай келади. XP-1 суперкарининг юрадиган прототипи 2015 йилда синовдан ўтказилган, аммо ҳозиргача унинг ишлаш принципи номаълумлигича қолмоқда. Компания сайтида эса «NASA технологияси» ва «оддий йўлларда фойдаланиш мумкин бўлган космик ихтиролар» тўғрисида сўз боради.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)