09:06 / 05.11.2020
954

Жеймс Бонд ҳайдаган Aston Martin’нинг жойидан силжимайдиган нусхаси 200 минг долларга сотилди (фото)

Жеймс Бонд ҳайдаган Aston Martin’нинг жойидан силжимайдиган нусхаси 200 минг долларга сотилди (фото)
Фото: Bring a Trailer
Bring a Trailer аукциони орқали «Жосус 007»га тегишли бўлган 1964 йилги классик Aston Martin DB5’нинг ноодатий нусхаси сотилди. Машина ташқи кўриниши билан ҳақиқий спорткардан фарқ қилмайди, аммо у фақатгина гаражни безашга хизмат қилади. Ҳайдаб бўлмайдиган автомобиль учун исмини ошкор этишни истамаган мухлис 200 минг доллар тўлаган, деб ёзади Motor.

Автомобиль кузови ҳақиқий ўлчамда шиша толадан ишланган ва трубасимон каркас билан мустаҳкамлиги оширилган. Нусханинг на двигатели ва на трансмиссияси бор.

Машина бамперлари ушбу нусха учун махсус буюртма асосида зангламайдиган пўлатдан, батареялар ёрдамида ишлайдиган оптикаси, радиатор панжараси, пештахтаси ва Vredestein шиналари кийгизилган 72 кегайли ғилдираклари ҳақиқий Aston Martin’ники.

Фото: Bring a Trailer

Фото: Bring a Trailer
Жеймс Бонд ҳақидаги фильмлардаги каби DB5 жосусларнинг қурилмалар билан тўлдирилган. Улар орасида сохта радиолокацион антенна, рақамлари алмашадиган «табличка», орқа томондан ўқ ўтказмайдиган панел ва қалин тутун ҳосил қиладиган қурилма мавжуд. Шунингдек, «ўқ овозлари» баландлиги бошқариладиган сунъий пулемёт ҳамда 007 логотипи ҳам ўрнатилган.

Фото: Bring a Trailer

Фото: Bring a Trailer
Машина салони сунъий чарм билан қопланган, ретро-телефон, ҳақиқий қурилмалар панели ва кузатилаётганини имитация қилувчи пирпирайдиган ёруғлик индикаторига эга радар харита ҳам мавжуд. Яна бир ўзига хос жиҳати олд ўриндиқдаги йўловчи учун мўлжалланган — Эжеcт тугаси босилганда у ўриндиқ остидан кескин силкинишни ҳис қилади.

Фото: Bring a Trailer

Фото: Bring a Trailer
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)