Тошкентда автомашинани 230 км тезликда бошқарган «эркатой»лар ушланди

^{Видеодан кадр}
Тошкент шаҳри кўчаларида 17-18 ёшли йигитлар қарама-қарши йўналишда ҳаракатланишган, бундан ташқари ЙПХ инспекторларининг тўхташ ишорасига ҳам писанд қилишмаган.

Бири ўз машинасига «мигалка»лар ўрнатиб юрган, бири тезликни 230 км.гача оширган ва бу ҳолатларни видеога олиб тик-токка жойлашган. Фоторадарга тушмаслик учун эса давлат рақамлари ёпиб қўйилган бўлган. Энг даҳшатлиси, уларнинг бирортасида ҳали ҳайдовчилик гувоҳномаси йўқ.

Қоидабузарлардан бирининг уч кунда уйидан уч хил «иномарка» ҳайдаб чиқиб атай қоидаларни бузиши бу болаларнинг кимларнингдир «эркатой»лари эканини билдиради. Қайд этилишича, бу қоидабузарлар қатъий огоҳлантирилган.

Эслатиб ўтамиз, Ўзбекистонда тўққиз ой ичида 1682 нафар фуқаро ЙТҲда вафот этган. “Замин” янгиликларини “Telegram”да кузатиб боринг