14:44 / 29.04.2022

Украинадаги урушнинг 64-куни: Киевга навбатдаги ҳужум ва Донецкдаги окоплар

28 апрел куни Киевга президент Володимир Зеленский билан учрашиш учун БМТ бош котиби Антониу Гуттериш келди — худди шу куни шаҳарга ракета ҳужуми амалга оширилди. АҚШ Вакиллар палатаси 417 овоз билан (10 та қарши овоз) Украинага ленд-лиз дастури бўйича қурол етказиб беришни маъқуллади. Украина бош прокуратураси Бучада «тинч аҳолига шафқатсиз муомалада бўлиш ва ҳарбий қонунларни бузиш»да гумонланган 10 нафар россиялик ҳарбий номини маълум қилди. Киев области қишлоқларида Россия ишғоли чоғида ҳалок бўлганларни дафн қилиш маросимлари давом этмоқда.

^{Украина президенти Володимир Зеленский ва БМТ бош котиби Антониу Гутерриш}
Ukrainian Presidential Press Office via AP
Украинадаги уруш. Сўнгги маълумотлар

28 апрел куни кечқурун россиялик ҳарбийлар Киевга ракета зарбалари йўллади, БМТ бош котиби Антониу Гуттериш Володимир Зеленский билан учрашиш учун келган вақтда шаҳарга иккита ракета келиб тушган, 10 киши жабрланган.
Зеленский Украина Мариуполдан инсонларни эвакуация қилиш учун кечиктириб бўлмас музокараларга тайёрлиги ва БМТнинг қўлловидан умидворлигини маълум қилди.
Америка нашрлари манбаси Донбасс регионида россиялик ҳарбийларнинг ҳаракати Украина кучлари қаттиқ қаршилик кўрсатаётгани учун, бундан ташқари логистикадаги муаммолар туфайли «секин ва нотекис» кечаётгани ҳақида айтди.
АҚШ президенти Жо Байден Украинага ёрдам учун Конгрессдан яна 33 млрд доллар сўради, у бу кичик маблағ эмаслиги, аммо Вашингтон Россиянинг ваҳшийлиги ва тажовузи қаршисида жим тура олмаслигини маълум қилди.
Украинада мамлакат қуролли кучлари сафида жанг қилган Америка фуқароси ҳалок бўлган. 22 ёшли Жозеф Кенселнинг онасининг CNN эфирида айтишича, собиқ денгиз пиёдаси бўлган ўғли хусусий ҳарбий компания билан шартнома имзолаб, Украинадаги урушга кўнгилли сифатида жўнаб кетганди.
АҚШ конгресси Вакиллар палатаси кўпчилик овоз билан Украинага ҳарбий ёрдам етказиб беришни соддалаштириш (ленд-лиз) кўзда тутилган қонун лойиҳасини маъқуллади. Бу қонунга кўра, Байден маъмурияти бюрократик тартиб-қоидаларни четлаб ўтган ҳолда битимлар тузиши ва Украинага қуролларни ҳақини кейин тўлаш шарти билан бепул етказиб бериши мумкин.

b]Қуйида 28 апрел куни Украинанинг турли ҳудудларида олинган суратлар.[/b]

Днепропетровск области

^{Кривой Рог атрофидаги кўприкда «Жаҳаннамга хуш келибсан, россиялик босқинчи» ёзуви битилган транспарант
Ed Jones / AFP / Scanpix / LETA}

^{Днепрдаги қочқинларни қабул қилиш марказида. Фото: Francisco Seco / AP / Scanpix / LETA}

^{Кривог Рог атрофида зирҳли техникада кетаётган украин ҳарбийлари. Фото: Ed Jones / AFP / Scanpix / LETA}
Лвов

^{Жангда ҳалок бўлган сафдошлари — Олег Скибик, Дмитрий Харитонов ва Владимир Горнийларнинг тобутларини олиб кетаётган украин аскарлари
Yuriy Dyachyshyn / AFP / Scanpix / LETA}

^{Лвовдаги ёдгорлик олдида турган қиз, ёдгорлик корпуси бомбалардан ҳимоялаш учун ўраб қўйилган
Leon Neal / Getty Images}
Житомир области

^{Любов (85 ёшда) XIX асрга мансуб ёғочдан қурилган черков олдида, Вязовка қишлоғидаги черков Россия ҳарбийлари томонидан йўлланган ракета зарбаларидан жиддий шикастланган. Фото: Viacheslav Ratynskyi / Reuters / Scanpix / LETA}

^{Велосипедда кетаётган Житомир ҳудудий мудофаа қисми жангчиси
Viacheslav Ratynskyi / Reuters / Scanpix / LETA}
Донбасс шимоли

^{Украина армияси ҳарбий хизматчиси Донецк областидаги окопда
Serhii Nuzhnenko / Reuters / Scanpix / LETA}

^{Россия ҳарбийларининг Украина шарқидаги Лиман темирйўл узелини ўққа тутиши оқибатлари
Yasuyoshi Chiba / AFP / Scanpix / LETA}

^{Владимир Криловский (62 ёшда) россиялик ҳарбийлар томонидан ўққа тутилган Лиман шаҳридаги уйи олдида. Криловскийлар оиласи бу вақтда гараж ертўласида яширинган. Фото: Yasuyoshi Chiba / AFP / Scanpix / LETA}
Киев ва Киев области

^{Киев области Бородянск районининг Загальци қишлоғидан бўлган Владимир Тихонов (76 ёш) ўз гаражи дарвозасидаги ўқ ва оксолкалардан ҳосил бўлган тешикларни кўрсатмоқда. Фото: Alexey Furman / Getty Images}

^{Ўғли тобути устида йиғлаётган Вера Пилипенко. Унинг ўғли ҳудудий мудофаа қисмига хизматга кирганди ва Бучада россиялик ҳарбийлар томонидан отиб ташланган. Сергейни она қишлоғи Мироцкоеда дафн қилишди. Фото: Zohra Bensemra / Reuters / Scanpix / LETA}

^{Ивана Франкодаги Драматик театрда спектакл томоша қилаётган украинлар
Emilio Morenatti / AP / Scanpix / LETA}

^{БМТ бош котиби Антониу Гутерришнинг Киевга ташрифи вақтида россиялик ҳарбийлар шаҳарга ракета зарбалари йўллади
Emilio Morenatti / AP / Scanpix / LETA}

^{Қутқарувчилар Киевдаги портлашлар ҳудудида шиламоқда. Украина пойтахтига ҳужум президент Володимир Зеленский ва БМТ бош котиби Антониу Гутерришнинг учрашуви якунланиши билан амалга оширилди. Фото: Emilio Morenatti / AP / Scanpix / LETA}

^{Полиция ва қутқарувчилар Киевда ракета келиб тушган жойда. Сўнгги маълумотларга кўра, ҳужум оқибатида ўн киши яраланиб, камида бир киши ҳалок бўлган.
Emilio Morenatti / AP / Scanpix / LETA}