АҚШнинг биринчи хоними Руминияда украиналик қочқинлар билан учрашди

^{Фото: AP}
АҚШнинг биринчи хоними Жилл Байден Бухарестда украиналик қочқинлар билан учрашди, деб хабар берди ТАСС.

Хабарда айтилишича, Байден Руминия президентининг рафиқаси Кармен Йоханнис билан бирга Украинадан келган болалар ўқийдиган мактабга ташриф буюрди.

Қайд этилишича, АҚШнинг биринчи хоними болалар ва уларнинг ота-оналари ҳамда мактаб ходимлари билан суҳбатда бўлди. Сўнгра Байден ва Йоханнис АҚШ президентининг дастхати туширилган M&M’s конфетларини улашди.

Бир кун аввал Жилл Байден Руминиядаги америкалик ҳарбийлар билан учрашганди. Кечга яқин АҚШнинг биринчи хоними Словакияга жўнаб кетган. “Zamin”ни Telegram'да ўқинг!