ЕИ янги санкциялар пакетида Калининград транзити қоидаларини ўзгартириши мумкин

^{Фото: Unsplash}
Европа Иттифоқи санкцияларининг янги пакети Ғарб чекловлари остидаги Россия товарларини Литва орқали Калининград вилоятига олиб ўтиш қоидаларига тузатишлар киритиши мумкин. Бу ҳақда Bloomberg нашри манбалари хабар берди.

Агентлик маълумотларига кўра, айрим европалик расмийлар Литвага санкция остидаги товарларни ўз ҳудуди орқали Калининградга ўтказишга рухсат бериш учун босим ўтказилиши мумкинлигидан хавотирда.

Bloomberg суҳбатдошларидан бири санкцияларни қўллаш қоидалари нафақат Литва, балки бутун Европа Иттифоқига тааллуқли бўлиши кераклигини таъкидлади.

Бундан ташқари, агентлик маълумотларига кўра, Европа Иттифоқи, кутилганидек, янги санкциялар пакети доирасида Россия олтинининг экспортига чекловлар тайёрламоқда. Эслатиб ўтамиз, аввалроқ G7 мамлакатлари етакчилари шундай чора қўллаш бўйича келишиб олган эди. «Замин»ни Telegram’да ўқинг!