Оrient Logistics компанияси Озарбайжон портларини кўзлаяпти

Оrient Logistics ўзбек компанияси Озарбайжондаги бандаргоҳлардан кенг фойдаланиш бўйича ҳамкорлик масаласини кўриб чиқяпти. Бу ҳақда Trend нашри хабар берган.

Orient Logistics бош директори Светлана Кондакованинг фикрича, бу икки давлат логистика — ҳам темир йўл, ҳам автомобиль йўллари бўйича ҳамкорлик қилади.

«Биз ҳозир бу масалани ўрганишни бошлаймиз. Мижозларимизга Озарбайжон портларидан фойдаланиш имконини бериш ниятидамиз. Балки бирор ким Европага чиқиш учун айнан шу йўл фойдали эканини билиб қолар», деган Кондакова.

Маълумот учун, Оrient Logistics 2014 йилда тузилган бўлиб, логистика билан шуғулланади. У Ўзбекистондаги йирик Orient Group Management холдинг компаниясининг бир қисмидир. «Замин»ни Telegram’да ўқинг!