Озарбайжон аскарлари Россия тинчликпарвар кучлари колоннасини тўхтатиб қолди

Қорабоғдаги Россия тинчликпарвар кучларининг жавобгарлик зонасида рухсатсиз қурол олиб ўтишга уринишнинг олди олинди. Бу ҳақда хабардор манбаларга таяниб, “Минвал” нашри хабар бермоқда.

Маълумотларга кўра, Озарбайжон армиясининг назорат-ўтказиш пунктида Россия Федерацияси тинчликпарвар кучларининг Агдам орқали Аскеран-Агдере йўналиши бўйича кетаётган 1 та БТР 82А бронетранспортёри ва 3 та “Урал” русумли автомашинадан иборат колоннаси кўрикдан ўтказиш учун тўхтатилган.

Автотранспорт воситаларини кўздан кечириш чоғида машиналардан бирининг юк бўлимида матраслар орасидан бешта Калашников автомати (АКМ) топилган.

Қоидаларнинг қўпол равишда бузилишига – қурол ва ўқ-дориларни ҳужжатсиз ташишга жавобан, карвон тўхтатилиб, ортга қайтарилган. «Замин»ни Telegram’да ўқинг!