Фото: «Вести.аз»
Москва шахмат федерацияси президенти Сергей Лазаревнинг айтишича, Мосcоw Chess Open халқаро форуми вақтида шахматчи робот етти ёшли боланинг бармоғини синдириб қўйган. Унинг сўзларига кўра, бола машинанинг ҳаракати якунланишини кутмасдан, шошилганча шахмат донасига қўл узатган. Натижада робот боланинг кўрсаткич бармоғидан ушлаб, қаттиқ қисиб қўйган. Бу ҳақда ТАСС хабар берди.
Атрофдагилар боланинг бармоғини роботнинг "панжаси"дан олиб ташлашга ёрдам беришган, бироқ бармоқнинг синишдан сақлаб қолишни иложи бўлмади. Шундан кейин, боланинг қўлини гипслашди, эртаси куни эса у ўйнашни давом эттирди. Кўнгиллилар унга ҳаракатларни ёзиб олишга ёрдам бермоқда.
Боланинг ота-онаси прокуратурага мурожаат қилмоқчи, бироқ Москва шахмат федерацияси вице-президенти Сергей Смагин боланинг ўзи қоидаларни бузган деб ҳисоблаяпти.
- Муайян хавфсизлик қоидалари бор, бола ўйин вақтида уларни бузган ва робот ҳаракатланаётганда кутиш кераклигини сезмаган, — дейди Москва шахмат федерацияси вице-президенти Сергей Смагин.
Бундан ташқари, Смагин ушбу робот «узоқ вақтдан бери, яъни 15 йилдан бери шахмат ўйнашини» ва бу вақт ичида бундай ҳодисалар у билан содир бўлмаганини таъкидлади.
Шуни таъкидлаш керакки, мазкур робот керакли «прошивка»га (махсус созлама) эга оддий саноат қурилмаси. Робот массаси катта бўлгани ва тез ҳаракатланиши туфайли бетон асосга ўрнатилиши керак, акс ҳолда у чайқалиши натижасида ағанаб тушиши мумкин. Унинг ёнида бўлган одамлар хавфсизлик чораларига риоя қилишлари, шу жумладан, махсус бош кийим кийишлари лозим. Бироқ, Смагиннинг сўзларига кўра, шахмат роботининг турнирларда иштирок этишини тақиқлаш ҳақида ҳеч қандай гап йўқ.
Қурилма мутлақо хавфсиздир. Нима сабабдан бу воқеа содир бўлганини таҳлил қилиш керак бўлади. Робот ихтирочиси жуда истеъдодли, фақатгина энди унга қўшимча ҳимоя тизимини ўрнатиш керак, холос. Ростини айтсам, мен робот қандай созланиши кераклиги бўйича мутахассис эмасман, лекин унинг иштирокида кўплаб мусобақалар кутилмаган воқеаларсиз ўтганини инобатга олсак, содир бўлган ҳолат дастлабкисидир. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзи чой дамлайди ва суҳбатлашади: дунёдаги биринчи “ақлли” чойнак тақдим этилди (видео)
Омега-3 қандай қилиб озишга ёрдам беради?
Дональд Трамп 27 ёшли Каролин Левиттни Оқ уй матбуот котиби этиб тайинламоқчи
Энди операциядан сўнг кесмалар ўрни икки баробар тезроқ битиши мумкин
Apple донгдор икки айфонини расман эскирган деб эълон қилди
Хатолар ва мағлубиятлар... улар кечириладими?
Жо Байден: “Баъзан хотиним мени космосга жўнатиш билан таҳдид қилади”
Россиялик депутат: «Олий маълумотлиларнинг курерлик қилиши — ватанпарварликка зид»
