Миср эҳромлари билан тенгдош ибодатхона харобалари топилди

^{Фото: Gazeta.ru}
Турли мамлакатлар олимларидан иборат гуруҳ томонидан Мисрдаги қазилмалар чоғи Қуёш маъбуди — Рага атаб қурилган ибодатхона харобалари топилди. Бу ҳақда «Live Science» хабар берди.

Ра ибодатхонасиники экани айтилаётган хароба пойтахт Қоҳирадан 20 километр олисда, Абу-Ғуроб ибодатхоналар мажмуаси ҳудудида аниқланган. Дастлабки текширувлар объект 4 500 йиллар аввал қурилганини кўрсатди. Яъни Мисрнинг машҳур эҳромлари билан тенгдош.

Ибодатхона Бешинчи сулола даврида (милоддан авалги 2465—2323 йиллар) қурилгани тахмин қилиняпти — ўша даврда Рага сиғиниш энг юксак чўққисига кўтарилган. Ушбу хароба, олимларнинг фикрича, жойлашган ўрни номаълумлигича қолаётган тўртта Қуёш ибодатхонасидан бири бўлиши мумкин. «Замин»ни Telegram’да ўқинг!