Норвегия Мудофаа вазирлиги Буюк Британия Украинага жўнатиш учун Норвегияда ишлаб чиқарилган Black Hornet микродронларини олишини маълум қилди.
Вазирлик баёнотида айтилишича, Буюк Британия Украинага хайрия қилиш учун сотиб олган микродронларнинг қиймати 9,1 миллион долларни ташкил қилади.
Норвегия шунингдек, Буюк Британия ҳомийлигидаги ёрдам фондига 42 миллион доллар ажратади, бунда учувчисиз аппаратларни сотиб олиш ҳамда Украина армияси учун тайёргарлик кўриш киради.
Украина Россия ҳужумларидан мудофаа қилиш учун ҳарбий техника талаб қилганидан кейин Норвегия ва Буюк Британия ҳаракатга киришди.
Норвегияда ишлаб чиқарилган, кузатув ва мақсадни аниқлаш функсияларига эга Black Hornet микродронлари саноатнинг илғор технологиялари қаторига киради ва улардан АҚШ, Буюк Британия ва баъзи НАТО давлатлари томонидан фаол фойдаланилади.
Норвегия мудофаа вазири Бёрн Арилд Грамнинг айтишича, Black Hornet дронлари мустаҳкам, ишончли ва аниқлаш қийин, шаҳар шароитида фойдаланиш учун мос.
Грамга кўра, Ғарб давлатлари Украинага ўз захираларидан ёрдам кўрсатган, бироқ Буюк Британия ва Норвегия ўртасидаги микродронларни етказиб бериш бўйича ҳамкорлик алянс мамлакатлари Украинани қандай қўллаб-қувватлаши мумкинлиги борасида янги “йўналиш”ни кўрсатмоқда.
Британия Мудофаа вазири Бен Уоллес бу борада қилган баёнотида Норвегия ва Буюк Британиянинг Украина билан “елкама-елка” туришини ва бу учувчисиз самолётлар жанг майдонида украинларга “ҳаётий” устунлик беришини айтди. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
КХДР Россияга 100 минггача ҳарбий юбориши мумкин
Рашида Толиб Конгресс аъзоларига «аччиқ ҳақиқат»нинг суратини кўрсатди
Ўзи чой дамлайди ва суҳбатлашади: дунёдаги биринчи “ақлли” чойнак тақдим этилди (видео)
Эрон АҚШдан 1 трлн доллар компенсация талаб қилди
Ким Чен Ин ҳарбийларни жанговар ҳолатда туришга чақирди
Тюмен областига Ўзбекистондан меҳнат мигрантлари ишга жалб қилинади
Глобал очлик ва қашшоқликка қарши кураш алянсига 82 мамлакат аъзо бўлди
Омега-3 қандай қилиб озишга ёрдам беради?
