Атамбоевга даволаниш учун Москвага боришига рухсат берилмади

^{Фото: ТАСС}
Қирғизистон жазони ижро этиш хизмати мамлакат собиқ президенти Алмазбек Атамбоевга Москвада даволанишига рухсат бермади. Бу ҳақда унинг адвокати Замир Жоошев маълум қилди.

Билдирилишича, Атамбоевда Россияга чиқиш учун ҳуқуқий асос йўқ.

«Атамбоевнинг саломатлиги нисбатан қониқарли, у 27-колония тиббиёт қисмида даволанмоқда», — дейилади жазони ижро этиш хизмати баёнотида.

Алмазбек Атамбоев 2011 йилдан 2017 йилгача Қирғизистон президенти лавозимида фаолият кўрсатган. У 2019 йилда президентлик дахлсизлигидан маҳрум қилинган ва коррупция иши бўйича ҳибсга олинган. «Замин»ни Telegram’да ўқинг!