Раданинг собиқ депутати Рим папасини ҳақорат қилди

“Рим папаси Франсиск НАТО Россияни махсус операция ўтказишга ундаганини тан олиб, ўзининг интеллектуал имкониятлари нақадар пастлигини кўрсатди”, дея баҳо берди Олий Раданинг собиқ депутати Тарас Черновол.

Май ойида Рим папаси Франсиск Италиянинг Corriere della Sera газетасига берган интервьюсида алянс (яъни НАТО) Россия чегаралари яқинидаги ҳаракатлари билан Москвани махсус операция ўтказишга ундаши мумкинлигини айтган эди. У Киевга қурол етказиб бериш қанчалик тўғрилиги ҳақидаги саволга жавоб беришга қийналди, аммо қуролланиш пойгасидан воз кечишни ёқлади.

Раданинг собиқ депутатига кўра, Рим папасининг НАТО масъулияти ҳақидаги сўзлари Россияга "совға" бўлган.

“Афсуски, папа адолат тўғрисидаги католик таълимоти нуқтаи назаридан ноҳақ ва қабул қилиб бўлмайдиган баёнотларни қилиб, ўта жирканчликка бормоқда”, деб ёзади Черновол “Бош муҳаррир рукни”да.

Унинг фикрича, унинг баёнотлари "дунёдаги ва черковдаги жараёнларни интеллектуал тушуниш даражасининг пастлиги" ва "янгиликларнинг энг юқори мавзуларини" тўплаш одати билан изоҳланади.

“Иккинчидан, аргентиналик папа диний хизматнинг энг юқори даражасига етганида, Аргентина жамиятига хос бўлган сиёсий, мафкуравий ва ижтимоий-маданий чўкиндилардан халос бўла олмади. У ерда Британияга қарши кучли салбий кайфият (албатта Фолклендлар урушдан кейин), Америкага ва Ғарбга қарши юқори даражадаги сиёсий сўлчилик, салбий аксил-ижтимоий кўринишларга тоқатсизлик ва ҳаказолар мавжуд..." - деб ёзади украиналик собиқ депутат.

Унинг қўшимча қилишича, Рим папаси “сўлчикка мойил бўлиб қолган ва Ғарбга қарши барча тенденциялар ва хабарларни ютади”.

Черноволга кўра, бундай одамларни манипуляция қилиш осон.

Аввалроқ Рим папасининг Украина президенти Владимир Зеленскийдан норози эканлиги ҳақида хабарлар тарқалган эди.