Афғонистоннинг Урузган вилоятида аҳолига 20 йилдан ортиқ тиббий хизмат кўрсатиб келаётган ўзбек аёли толиблардан қизлар учун мактабларни очишни сўради.
Нигора Ҳайдарова тиббий ёрдам билан бирга мамлакатдаги кўплаб аёлларнинг таълим олишига ҳам кўмаклашиб келган.
“Қизлар учун мактаблар очиқ бўлиши керак. Уларнинг университетга боришга рухсат берилганлиги хурсанд қилса-да, Урузган вилоятида қизларга олтинчи синфгача мактабга бориш мумкин”, – деган у.
Нигора хотин-қизларнинг таълим олиш ҳуқуқи чекланганидан изтироб чекаётганини айтган. У юзлаб аёллар руҳият билан боғлиқ муаммолар билан унга мурожаат қилганини таъкидлаган.
“Ишонасизми, бу ерга илк бор келганимда, Урузганда бирорта аёл шифокор ёки ҳамшира йўқ эди. Шунинг учун аёлларнинг эркакларга қараганда мактабга бориши муҳимроқ”, – деб қўшимча қилган Нигора Хайдарова.
Урузганлик Жавид Хпоплвакнинг сўзларига кўра, аёллар таълими муаммоси ҳал этилмас экан, ўтмишдаги инқироз яна қайтарилади.
Бундан олдин толиблар ҳукумати қизларнинг мактабга бориши ҳаракат етакчисининг қарорига боғлиқ эканини айтганди.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
