07:28 / 14.09.2022
1 082

Қирғизистон энергетика вазирига қарши иккита жиноий иш қўзғатилди

Қирғизистон энергетика вазирига қарши иккита жиноий иш қўзғатилди
Фото: Tazabek
Қирғизистон бош прокуратураси мамлакат энергетика вазири Доскул Бекмурзаевга қарши иккита жиноий иш қўзғади. Бекмурзаев мансаб ваколатини суиистеъмол қилганликда айбланяпти.

Биринчи айблов: Энергетика вазири 2021-2022 йилларда давлат бюджети ҳисобидан ходимларини БАА, Туркия, Россия ва Ўзбекистонга хизмат сафарига юборган, оқибатда давлатга моддий зарар етказилган. Гап шундаки, уларнинг мутахассислиги энергетика соҳасига дахлдор бўлмаган.

Иккинчи айблов: Бекмурзаев вақтинча «Электр станциялари» ОАЖ фойдаланувида бўлган «Иссиқ калитлар» соғломлаштириш мажмуасини таъмирлашга 15 миллион сомдан ортиқ ($180 минг) йўналтириб, зарар етказган.

Tazabek нашри изоҳ сўраб боғланганида, Бекмурзаев «осма олаётганини» айтиб, қўнғироқни ўчирган.

arenda kvartira tashkent
Ctrl
Enter
Хато топдИнгизми
Иборани ажратиб Ctrl+Enter тугмасини босинг