17:22 / 15.09.2022

Украинадаги урушнинг 203-куни: Изюмда асир олинган аскар ва ўлжа қилинган снарядлар (фото)

Украинадаги урушнинг 203-куни. Асосий маълумотлар:

Украина президенти Володимир Зеленский озод этилган Изюмга келди ва Қрим ва истило остидаги бошқа ҳудудлар ҳам Украина таркибига қайтарилишини маълум қилди.
Украина вице-премьери Олга Стефанишина сўнгги кунларда Россия Киевга тинчлик музокараларига қайтишни таклиф қилишга уринаётганини айтди.
Reuters агентлигига кўра, Кремлнинг Украина масалалари бўйича куратори Дмитрий Козак урушнинг илк кунларида Украина билан НАТОга киришдан бош тортиши бўйича келишган, аммо Путин бундай келишувга рози бўлмаган ва босқинни давом эттирган.
Россиялик ҳарбийлар Украинада Эрон дронларини қўллашни бошлаган: 13 сентябр куни Купянск яқинида шундай дронлардан бири уриб туширилган.
Россия армияси ташлаб кетган ҳудудлар аҳолисига Украина томонидан гуманитар ёрдам етказиб берилмоқда. Украина мудофаа вазири ўринбосари Анна Малярга кўра, Харкив областида шундай аҳоли манзиллари сони 300 дан ортади.
Le Monde озод этилган Изюмдан илк тасвирларни эълон қилди — уларда ҳалок бўлган россиялик аскарлар, шунингдек асир тушган ҳарбийни кўриш мумкин.

^{Изюмда россиялик асир тушган аскар танкда украин аскарлари билан. Изюм — Харкив областида Украина қуролли кучларининг муваффақиятли қарши ҳужумида озод этилган шаҳарлардан бири. Фотосуратлар 11 сентябрда олинган, аммо илк бор 14 сентябр куни Le Monde нашрида эълон қилинди.
Laurent Van der Stockt / Le Monde / Getty Images}

^{Изюм йўлида қолган россиялик аскар жасади
Laurent Van der Stockt / Le Monde / Getty Images}

^{Украина президенти Володимир Зеленский Изюмда. «Бизнинг давлатимиз ҳудудини вақтинча босиб олиш мумкин. Аммо украин одамларини эгаллаб олиш имконсиз. Мияларни ювиш мумкин, аммо бу ишни украинлар юраги билан қилиб бўлмайди», — дея ёзган Зеленский шаҳарга ташрифидан кейин ўз телеграм-каналида.
Metin Aktas / Anadolu Agency / ABACAPRESS / ddp images / Vida Press}

^{Изюм атрофидаги майдонда россияликларнинг ёниб кетган МТ-ЛБ зирҳли транспортёри.
Juan Barreto / AFP / Scanpix / LETA}

^{Украиналик ҳарбий Изюм яқинида қўлга киритилган россияликларнинг артиллерия снарядларини кўздан кечирмоқда.
Iryna Rybakova / 93-алоҳида механизациялашган бригадаси матбуот хизмати / Reuters / Scanpix / LETA}

^{Украиналик аскар Харкив областидаги Купянск шаҳри ҳудудида россиялик ҳарбийлар пайкасини (йўл учун егулик) текшириб кўрмоқда.
Kostiantyn Liberov / AP / Scanpix / LETA}

^{Изюм атрофида Россия қўшини томонидан ташлаб кетилган снаряд солинган қутилар.
Juan Barreto / AFP / Scanpix / LETA}

^{Изюм яқинидаги тепаликда мобил оператор тўлқинини қидираётган одамлар. Деворда шундай ёзилган: «Нижний Новгород, Гороховец, Z». Гороховец — Россиянинг Владимирск областидаги шаҳар.
Juan Barreto / AFP / Scanpix / LETA}

^{Ўтган ҳафтада Балаклиядаги назорат-ўтказиш пунктида ўлдирилган Петро Шепелнинг онаси Валентина Шепел ўғлининг жасади устида йиғламоқда. Маҳаллий аҳолининг сўзларига кўра, таксичилик билан шуғулланган Петро Балаклия озод этилишидан бир кун олдин россияликлар блокпостида ўлдирилган.
Wojciech Grzedzinski / The Washington Post / Getty Images}

^{Украина назоратига қайтган Вербовка қишлоғи аҳолиси гуманитар ёрдам олишга йиғилмоқда.
Wojciech Grzedzinski / The Washington Post / Getty Images}

^{Украин ҳарбийлари Харкив областининг Купянск шаҳрига киришда йўл ёқасига ўрнатилган белгида украин миллий байроғини тузатишмоқда.
Kostiantyn Liberov / AP / Scanpix / LETA}

Россия ва Украина уруши