Россия Федерацияси Президенти ҳузуридаги Инсон ҳуқуқлари кенгаши раиси Валерий Фадеев мамлакатга келган ва Россия фуқаролигини олган шахсларнинг чақирув ёшини 45-50 ёшгача оширишни таклиф қилди.
“Конституцияда айтилишича, Ватанни ҳимоя қилиш Россия Федерацияси фуқаросининг бурчи бўлиб, туғилиш орқали фуқароликни олганлар ва фуқароликка қабул қилинганлар ўртасида фарқ қилмайди. Бу ҳуқуқий бўшлиқни тўлдириш ва фуқароликка қабул қилинган фуқароларнинг ҳарбий ёшини 45 ёки 50 ёшга ошириш имкониятини кўриб чиқиш зарур”, — дея Фадеевнинг сўзларини келтирган Инсон ҳуқуқлари кенгаши расмий Телеграм-каналида.
Кенгаш раҳбарининг тушунтиришича, ҳозирда Россиянинг фуқаролигига қабул қилинган фуқаролар 27 ёшдан ошган бўлса, ҳарбий хизматга чақирилмайди.
Шу билан бирга, Фадеевнинг аниқлик киритишича, биз Россия фуқаролигини олган хорижликларни зудлик билан сафарбар қилиш ҳақида гапирмаяпмиз, чунки бу камситиш бўлади.
21 сентябрь куни Россия президенти Владимир Путин мамлакатда қисман сафарбарлик бошланганини эълон қилди. Россия мудофаа вазири Сергей Шойгунинг сўзларига кўра, расмийлар 300 минг кишини чақириш ниятида.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
