Қисман тан олинган Косово чегарасида Ярине назорат-ўтказиш пункти яқинида митинг ўтказган Сербия ҳуқуқ-тартибот идоралари ходимлари ва намойишчилар ўртасида тўқнашув юз берди. НАТО миссияси (КFOR) митинг пайтида ўз патруллари сонини оширди. Сербия “вагнерчилар”и акция ташкилотчилари қаторида эди.
Бу ҳақда “Балканский обозреватель” нашрига таяниб, “РБК-Украина” хабар бермоқда.
18 декабрь куни Сербиянинг марказий қисмидаги Ярин назорат пункти яқинида бир неча ўнлаб фаоллар томонидан ўтказилган намойиш “Яринада йиғилиш, чегаралар йўқ” деб номланган.
Сербия матбуотига кўра, намойишчилар орасида марказий Сербия, Черногория, Босния ва Герцеговинадан келган иштирокчилар ҳам бўлган.
Косово ОАВларининг хабар беришича, акцияда серб милатчи ташкилотлари вакиллари, хусусан, Россия ҳарбийлаштирилган “Вагнер” гуруҳининг Сербия бўлими иштирок этган.
Шундай қилиб, намойиш ташкилотчилари орасида "вагнерчилар" билан боғлиқ бўлган серб Дамьян Кнежевич ҳам бор эди.
"Черногория ва Сербия Республикасидан бўлган биродарларим биринчи марта учрашмаяпти. Биз бор эканлигимизни кўрсатиш ва баррикадаларни давом эттириш учун келдик. 1244-сонли резолюциядан кейин имзоланган ҳеч қандай келишувни қабул қилмаймиз", - деган у акция давомида.
Намойишчилар Сербия полициясини “Косовога киришга” чақирди ва чегаранинг Сербия томонидаги Ярине назорат пунктидан 300 метр олдин ўрнатилган полиция кордонини бузиб ўтди. Намойишчилар ўтиш жойига борган, бироқ Сербия ҳуқуқ-тартибот идоралари ходимлари уларни 50 метр узоқликда тўхтатган. Тўқнашувлар бўлди, намойишчилар орасида ҳибсга олинганлар ҳам бор.
Чегаранинг Сербия томонида қолган намойишчилар “Брюссел келишуви” (ЕИ воситачилигида эришилган Сербия ва Косово ўртасидаги муносабатларни нормаллаштириш бўйича келишув) ёзуви туширилган плакатни ёқиб юборишди. Косоводаги албанлар ва НАТО тинчликпарвар ташкилоти вакилларига ҳам таҳдидлар бўлган.
Акция арафасида KFOR вакиллари Косово шимолидаги Ярине назорат-ўтказиш пунктини тўсиб, тиканли сим ўрнатди. Тинчликпарварларнинг айтишича, ҳарбийлар сонининг ортиши намойишчилар орасида жиноий гуруҳлар аъзолари бўлиши эҳтимоли билан боғлиқ.
Куннинг иккинчи ярмида Ярине назорат пункти яқинида тўпланган намойишчилар тарқалиб кетди.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
