Фото: AP
АҚШ президенти Жо Байден ва Украина президенти Володимир Зеленский 21 декабрь куни Вашингтонда учрашади, деб хабар берди CNN икки манбага таяниб.
Зеленскийнинг эълон қилинмаган ташрифи Украина президентининг 24 февралда Россия ҳужуми бошланганидан буён биринчи халқаро сафари бўлади. Оқ уй эҳтимолий учрашув ҳақида изоҳ беришдан расман бош тортди.
Axios маълумотларига кўра, Капитолий тепалиги хавфсизлик хизмати Зеленскийнинг ташрифига ҳозирлик кўрмоқда, чунки Украина раҳбари Конгрессда чиқиш қилиши мумкин. АҚШ Конгресси Вакиллар палатаси спикери Нэнси Пелоси Конгресснинг барча аъзоларидан «чоршанба куни кечқурун йиғилишда жисмонан ҳозир бўлишни» сўради, деб ёзади Axios Пелосининг мактубига таяниб.
CNN хабарига кўра, учрашув Киевга АҚШнинг Patriot зенит-ракета комплексларини етказиб бериш бўйича муҳокамалар фонида бўлиб ўтади. Етказиб бериш музокараларда муҳокама қилинадими ёки қилинмайдими, CNN бунга аниқлик киритмади. Аввалроқ Америка ОАВ хабар қилганидек, Оқ уй шу ҳафта охиригача комплексларни Украинага топширишни эълон қилиши мумкин. Вашингтон тегишли режаларни тайёрлашни якунламоқда.
Киев бир неча ойдан бери Patriot тизимини сўрамоқда. Вашингтон комплексларни етказиб бериш ва ишлатиш билан боғлиқ катта логистика қийинчиликларига қарамай, Россиянинг оммавий ўққа тутиши шароитида талабни қондиришга қарор қилди, деди Байден маъмуриятининг юқори мартабали вакили CNN телеканалига.
Кичик ҳаво ҳужумидан мудофаа тизимларидан фарқли ўлароқ, Patriot тизимлари ўнлаб одамларнинг ишлашини талаб қилади. Шу билан бирга, улар ҳаво бўшлиғини баллистик ва қанотли ракеталардан, шунингдек, баъзи самолётлардан ҳимоя қилишнинг энг самарали узоқ масофали воситаларидан бири ҳисобланади. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Рома” Шомуродов учун яна 8 миллион евро харажат қилади!
Сурхондарё вилоятида айиқ ИИБ ходимига жароҳат етказди
D витамини дозасини ошириб юборишнинг хавфли оқибатлари
Ўзбекистонлик 17 ёшли қиз дунёнинг етакчи университети олимлари билан тадқиқот олиб бормоқда
Украина президенти маҳбусларни сафарбар қилиш тўғрисидаги қонунни имзолади
Эрдўғон давлат тўнтариши эҳтимоли сабабли тунда фавқулодда йиғилиш ўтказди
Жиззахда учта юк машинаси иштирокида ЙТҲ содир бўлди
Пневматик қуролларни ўз ихтиёри билан топширганлар жавобгарликдан озод этилади