Тik Tok жосуслик қилганини тан олди

Тik Tok’га эгалик қилувчи Хитойнинг ByteDance компаниясида ўтказилган ички тергов ижтимоий тармоқ ходимлари ўз фаолиятини ёритаётган журналистларни жосуслик қилиш учун аккаунт маълумотларидан фойдаланганини тасдиқлади, деб ёзади The New York Times..

ByteDance бош маслаҳатчиси Эрич Андерсен ходимларга электрон почта орқали ташқи юридик фирма томонидан ўтказилган тергов натижаларини эълон қилди. Маълум бўлишича, ёзда ByteDance ходимларининг хатти-ҳаракатларини мониторинг қилиш учун масъул ходимлари ички маълумотлар ва компания ҳужжатларининг сизиб чиқиши манбаларини аниқлашга ҳаракат қилишган. Бунинг учун улар BuzzFeed ва Financial Times’дан бир қанча америкалик журналистларнинг IP-манзилларига кириб, улар Тik Tok'да кимдир билан алоқада бўлганлигини аниқлашга ҳаракат қилишган.

American Forbes нашрининг таъкидлашича, яна икки журналист ByteDance кузатуви нишонига тушган, бироқ компания бу журналистлар жабрланмаганлигини таъкидламоқда.

Маълумотларга кўра, ByteDance компаниясининг ноқонуний кузатувни ташкил қилган тўрт нафар ходими ҳам ишдан бўшатилган.

Тik Tok раҳбарияти Хитой ҳукумати билан яқин алоқадорликда бир неча бор айбланган. АҚШ Конгресси расмийларга дастурни иш смартфонларига юклаб олишни тақиқламоқчи. Тегишли қонун лойиҳаси яқин кунларда кўриб чиқилади.

Янгиликлар