Туркия ташқи ишлар вазири Мевлут Чавушўғли Швеция расмийларининг Стокголмдаги Туркия элчихонаси яқинида Қуръони карим нусхаси ёқиб юборилган провокацияга рухсат бериш қарорини кескин қоралади.
«Швецияда бошқа китобни ёқиш ёки бошқа динга ҳужум қилиш мумкин эмас, лекин Қуръон ҳақида гап кетганда, улар фуқароларнинг муайян ҳуқуқ ва эркинликлари ҳақида гапиришади», деб ғазабланди турк дипломатияси раҳбари.
Чавушўғли, ҳеч кимнинг Исломга қарши провокацияни «сўз эркинлиги кўриниши» билан оқлашга ҳаққи йўқлигини таъкидлади.
Вазир исломга қарши провокацияга рухсат берилганига жавобан Скандинавия мамлакати элчиси Туркия ТИВга чақирилганини, Туркиянинг Стокголмдаги элчиси Онет Жан Тезел бу давлат ташқи ишлар вазири Тобиас Билстрöм билан тўғридан-тўғри боғланганини эслатди.
«Бу исломга қарши паст ва қабиҳ ҳаракат. Нафрат, ксенофобия ва ирқчиликнинг намоён бўлиши сўз эркинлигига ҳеч қандай алоқаси йўқ! Умид қиламанки, Швеция расмийлари ҳаракат бошланишидан олдин зарур чораларни кўради. Акс ҳолда, бу ҳаракат бутун дунёда кескин салбий резонансга эга бўлади», — деди Чавушўғли.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
