13:20 / 26.01.2023

ОАВ Россиянинг Украинага янги зарбалари ҳақида хабар берди

^{Фото: Aleksandr Gusev/SOPA Images via ZUMA Press Wire/dpa/picture alliance}
Днипро, Херсон, шунингдек, Харкив ва Запорижжя вилоятларида кучли портлашлар содир бўлгани ҳақида маҳаллий Telegram-каналлар хабар бермоқда.

Украинанинг 10 та вилояти ва аннексия қилинган Қримда ҳаво огоҳлантириш тизими - тревога эълон қилинди.

Аввалроқ, Миколайив вилояти ҳарбий маъмурияти раҳбари Виталий Ким Эронда ишлаб чиқарилган уч гуруҳли дронлар учаётгани ҳақида хабар бериб, Россия учувчисиз учоқлар билан зарба бериши ҳақида огоҳлантирган эди.

Бундан олдин Украина Қуролли кучлари Шарқий йўналиши қўмондонлиги вакили Сергей Череватий Украина қўшинлари Донецк вилоятининг Бахмут туманидаги Соледар шаҳридан олиб чиқилганини маълум қилди.

Россия Мудофаа вазирлиги Соледар қўлга олинганини 13 январ куни, «Вагнер» ХҲК эса бундан ҳам олдинроқ эълон қилган эди.

«Бир неча ойлик шиддатли жанглардан сўнг, жумладан, сўнгги ҳафталардаги, Украина қуролли кучлари Соледарни тарк этди ва шаҳар чеккасидаги олдиндан тайёрланган позицияларга чекинди», деди Сергей Череватий AFP агентлигига.