АҚШнинг собиқ президенти Дональд Трамп амалдаги Америка раҳбари Жо Байден инсониятни учинчи жаҳон уруши ёқасига келтирди деб ҳисоблайди. Бу ҳақда Трамп Жанубий Каролина штатидаги митингда сўзлаган нутқи давомида маълум қилди.
“Жо Байден бизни учинчи жаҳон уруши ёқасига келтирди. Агар ким билмаган бўлса, биз учинчи жаҳон уруши остонасида турибмиз”, - деди Трамп. Унинг сўзларидан “Newsmax” телеканали иқтибос келтирган.
Трамп яна президент этиб қайта сайланса, куч воситаси билан сулҳ келтиришга ваъда берди ва у агар президент бўлганида, Россия ва Украина ўртасида ҳеч қачон можаро чиқмаган бўлишини қўшимча қилди.
Ўтган йил ноябрида Дональд Трамп 2024 йилда бўлиб ўтиши режалаштирилган АҚШ президенти сайловида ўз номзодини илгари суришини расман маълум қилганди.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
