Таиландда сайёҳлар ўтирган қайиқ ағдарилиб кетди

Таиланднинг Самуи ороли яқинида моторли қайиқ ағдарилиб кетиши натижасида икки сайёҳ ҳалок бўлди. Яна беш нафар киши бедарак йўқолди, деб хабар беради “TASS” нашри.

Ҳалокатга йўлиққан қайиқда 36 киши бўлган. Уларнинг аксарият қисми чет эллик сайёҳлар бўлишган. Денгизда кучли тўлқин ҳосил бўлиши оқибатида қайиқ ағдарилиб кетган. Сувдан маҳаллий балиқчилар 28 кишини қутқариб чиқарган, улардан етти нафар оғир шикастланган. Айни пайтда сайёҳларнинг фуқаролиги аниқлаштирилмоқда. «Замин»ни Telegram’да ўқинг!