22:33 / 17.02.2023

Запорожеда окоплар қазиган ўзбекистонлик ишчиларга ваъда қилинган пул тўланмади

^{Фото: Видеодан кадр}
Запороже вилоятида окоплар қазиган Тожикистон ва Ўзбекистон фуқароларига битта хандақ учун ваъда қилинган 800 минг рубл тўланмагани маълум қилинди. Бу ҳақда База телеграм канали хабар берди.

Тожикистонлик ишчига хандақ қазишни таклиф қилишган ва у рози бўлган. У 32 киши, жумладан Ўзбекистондан келган ишчилар билан босиб олинган ҳудудларга жўнатилган. Бир ой ичида тожикистонлик эркак иккита хандақ қазган, лекин уни ишга таклиф қилган пудратчи 595 минг рубл тўлаган. Тожикистон фуқароси пул тўлаш талаби билан “иш берувчи”сига қўнғироқ қилган, лекин у рози бўлмаган.

^{Фото: БАЗА}
Москвага қайтиб келгач, тожикистонлик эркак полицияга ариза ёзган, яна уч нафар ишчи ҳам шундай қилган. Бироқ тожикистонлик эркакка номаълум рақамлардан қўнғироқ келган, ундан аризасини қайтариб олиш сўралган ва таҳдид қилинган.

Zaporojyeda okoplar qazigan O‘zbekiston va Tojikistondan kelgan ishchilarga va’da qilingan pul to‘lanmadi. Ularga har bitta xandaq uchun 800 ming rubl va’da qilingandi pic.twitter.com/sQ585sN6Au
— Шухрат Раззаков (@ShuhratRazzakov) February 17, 2023

"Баъзи қурувчилар ҳозирча Москвага қайтиб кела олмаяпти. Кимдир кўричак билан оғриган, яна бир ишчи бармоғидан айрилган, аммо уларга тегишли тиббий ёрдам кўрсатилмаган”, — дея хабар берган эркак.