Илон Маск инсоният учун энг катта хавф нималигини айтди

^{Фото: Getty Images}
Миллиардер Илон Маск Дубайдаги Жаҳон ҳукумати саммитидаги нутқида сунъий интеллект инсоният учун энг катта хавф эканини айтди. Бу ҳақда New York Post хабар берди.

Маскнинг сўзларига кўра, сунъий интеллектнинг ижобий ва салбий томонлари ҳам бор. Бироқ ундан фойдаланиш истиқболларига қарамай, у катта хавф туғдиришини қайд этди.

“Цивилизация келажаги учун энг катта хавфлардан бири бу сунъий интеллектдир. У етарли имкониятларга эгалигига қарамай, катта хавф туғдиради. Сунъий интеллект маълум вақт назоратдан чиқиб кетди. Унда кўпчилик учун фойдаланувчи интерфейси йўқ эди”, — деб тушунтирди миллиардер.

Шунингдек, Маск одамлар сунъий интеллект хавфсизлигини тартибга солиши кераклиги, чунки бу автомобиллар, самолётлар ёки дори воситаларидан кўра кўпроқ жамиятга хавф туғдириши айтди. Миллиардер 2018 йилда сунъий интеллект ядровий қуролдан ҳам хавфлироқ бўлиши мумкинлигини билдирганди. 2020 йилда эса у Google’га тегишли DeepMind лойиҳасидан қўрқишини ва сунъий интеллект дунёни эгаллаши мумкинлигини айтганди. “Замин” янгиликларини “Telegram”да кузатиб боринг