09:13 / 18.02.2023

Покистонда қуролланган жангарилар полиция бўлимини эгаллади (видео, фото)

^{Фото: ONLINE}
Покистоннинг Карачи шаҳрида қуролланган эркаклар полициянинг бош идорасига бостириб кирди, улардан бири ўзини портлатди. Бу ҳақда Dawn хабар берди.

Маълум қилинишича, ҳужум оқибатида тўрт киши ҳалок бўлди, 11 киши жароҳатланди. Полиция бинонинг тўрт қавати хавфсизлик кучлари томонидан тозалангани, яқин орада вазият назоратга олиниши билдирди. Снайперлар полиция бўлими яқинидаги позицияларни эгаллади, улар террорчиларнинг икки нафарини отиб ўлдирди.

^{Фото: ONLINE}

Pokistonda qurollangan jangarilar Karachi shahar politsiyasining bosh idorasiga bostirib kirdi , otishma hamon davom etmoqda pic.twitter.com/TjxajMYfmp
— Шухрат Раззаков (@ShuhratRazzakov) February 18, 2023

Полиция расмийларига кўра, қуролланган шахслар Садар полиция бўлими яқинидаги идорага бир неча марта ўқ узган. Ҳужум қилганлар полиция кийимида бўлган, ҳудудда портлашлар қайд этилган. Ҳужум учун жавобгарликни Покистоннинг “Теҳрик-э-Толибон Покистон” гуруҳи ўз зиммасига олди.

^{Фото: ONLINE}
Сўнгги маълумотларга кўра, полиция идораси жангарилардан тозаланган, уч нафар террорчи зарарсизлантирилган.

Pokistonning Karachi shahrida qurollangan jangarilar tomonidan bosib olingan politsiya bo‘limiga qo‘shimcha kuchlar kiritilmoqda. Mahalliy OAV xudkush kamarlar ishga tushirilganini yozmoqda pic.twitter.com/3YRVoArORG
— Шухрат Раззаков (@ShuhratRazzakov) February 18, 2023

“Мен ҳозирча Карачи полиция идораси биноси тозаланганини тасдиқлай оламан. Уч нафар террорчи зарарсизлантирилди”, — деди Синд ҳукумати матбуот котиби Муртазо Ваҳоб.