Туркияда йўловчилар тўла микроавтобус кўчки остида қолди (видео)

^{Видеодан скриншот}

Туркиянинг Артвин–Эрзурум автомагистралида йўловчиларни олиб кетаётган микроавтобус кўчкига дуч келди. Тўрт киши жароҳат олгани айтилмоқда.

TRT Haber хабарига кўра, кўчки Деринер-3 туннелига кираверишда содир бўлган. Тупроқ ва тошлар туннелга кириш йўлини тўсиб қўйган.

Воқеа жойига етиб келган мутахассислар янги кўчкилар эҳтимолини ўрганишмоқда.