478
Россия ва Украина ўртасидаги музокараларга Хитойни қўшиш ғояси мантиқсиз ва Пекиннинг «тинчлик режаси» фақат Москва учун фойдали, деди Байден ABC News телеканалига берган интервьюсида.
Россия ва Украина ўртасидаги можарони дипломатик йўл билан ҳал қилиш бўйича Хитой таклиф қилган «тинчлик режаси» фақат Кремль учун фойдали, деди АҚШ президенти Жо Байден 25 январь, шанба куни ABC News телеканалига берган интервьюсида.
«Путин олқишлаяпти, чунки бу режа яхши бўлиши мумкн. Мен режада Россиядан бошқа ҳеч кимга фойдали бўладиган нарса борлигини кўрмадим», - деди Байден. Америка президентининг сўзларига кўра, Украина учун «мутлақо адолатсиз» бўлган урушни тўхтатиш бўйича Хитой музокаралар олиб бориши ҳақидаги ғоянинг ўзи «мантиқсизликдир».
Аввалроқ Украина президенти Володимир Зеленский Хитой режаси «таклиф» эмас, аксинча, Россиянинг Украинага қарши уруши ҳақидаги фикрлар овози эканлигини таъкидлаган эди. «Мен рози бўлмаган фикрлар бор, менимча, бутун дунё рози эмас. Агар халқаро ҳуқуқ, ҳудудий яхлитлик ва хавфсизликни ҳурмат қилиш билан мос келадиган фикрлар бўлса, биз буни қилишимиз керак. Бизнинг вазифамиз - айримларни изоляция қилиш учун ҳаммани йиғиш», деди у.
НАТО бош котиби Йенс Столтенбергнинг айтишича, Пекиннинг таклифлари ишончли эмас, чунки «улар ҳатто Украинага ноқонуний босқинни қоралашга ҳам қодир эмас». Шунингдек, у босқин арафасида, 2022 йил февралида Россия ва Хитой «чегарасиз ҳамкорлик» тўғрисидаги ҳужжатни имзолаганини таъкидлади.
Ўша интервью давомида ABC News журналисти АҚШ президентидан Пекин Москвага қурол етказиб бера бошласа, Оқ уй қандай чоралар кўришини сўради. Байден Хитойдан бундай «ташаббусни кутмаганини», аммо агар шундай бўлса, АҚШ «реакция билдиришини» айтди. «Худди бошқа кимдир бу чегарани кесиб ўтгандек. Бошқача айтганда, биз бу ишни қилган ҳар бир кишига қаттиқ санкциялар киритдик», - деди Америка раҳбари.
«Замин»ни Telegram’да ўқинг!
19:25, 21-04-2025
