Запорижжя вилоятининг босиб олинган қисмидаги «ҳокимият» маҳаллий аҳолини Украинага қарши урушга жалб қилиш мақсадида «халқ милицияси»ни тузмоқда, деб хабар берди Мелитопол мэри Иван Федоров миллий телемарафон эфирида.
Унинг сўзларига кўра, тегишли буйруқни оккупацион «маъмурият» раҳбари Евгений Балицкий берган.
«Гаулейтер Балицкий учинчи марта оккупациядаги одамларни Россия учун жанг қилишга мажбурламоқчи. Бир йил олдин у «Казаклар отрядлари» деб номланган, гўёки жамоат тартибини ҳимоя қилиш учун тузилган бўлинмаларни яратди, улар Москва патриархати черкови ҳудудида жойлашган эди. Кейин улар босиб олинган ҳудуддан кўнгиллиларни жалб қилган Судоплатов номидаги полкни туздилар, унга эгаллаб олинган ҳудуддаги кўнгиллилар жалб қилинмоқчи эди, бироқ етарлича кўнгиллилар келиб қўшилмаган. Энди эса тартибни сақлаш учун яна «халқ милицияси»ни тузишга буйруқ берди», деди Федоров.
Унинг таъкидлашича, запорижжялик коллаборационистлар 2014 йилда Донецк ва Луҳанск вилоятларининг бир қисми босиб олингандан сўнг ташкил этилган «халқ милицияси» ва кейинчалик тан олинмаган «ДХР» ҳамда «ЛХР»нинг «армия корпуси»га айлантирилган «Донецк сценарийси» бўйича ҳаракат қилмоқда.
“Замин” янгиликларини “Telegram”да кузатиб боринг
