Миллиардер Билл Акман АҚШда яқин 48 соатда нималар бўлишини прогноз қилди. Гап 2008 йилги молиявий инқироздан буён Қўшма Штатларда кузатилган энг йирик банкротлик (Silicon Valley Bank) ҳақида бормоқда.
«Ё душанбага қадар муаммоли банкка харидор топилади ёки ҳукумат Silicon Valley Bank да турган барча депозитлар қайтарилишини кафолатлайди.
Акс ҳолда бир сутка ичида АҚШ банкларида турган барча суғурталанмаган дерозитлар ечиб олинади.
Банклардан пулларни ёппасига ечиб олиш бошланиб кетса, маҳаллий, ҳудудий ва бошқа банкларнинг ликвидлигига путур етади, бу эса банк тизимининг инқирозига олиб келади», деб ёзди миллиардер.
Аввалроқ АҚШнинг энг йирик банкларидан бири — Silicon Valley («Кремний водийси») банкрот деб эълон қилинганди. Бу — 2008 йилги молиявий инқироздан буён Қўшма Штатларда кузатилган энг йирик банкротлик саналади.
“Замин” янгиликларини “Telegram”да кузатиб боринг
