14:58 / 07.04.2023
481

Бразилия президенти Қримни Россияга беришни таклиф қилди

Фото: PSB

Бразилия президенти Лула да Сильва Украина урушни тугатиши учун Қрим ярим оролини Россияга бериши кераклигини айтди. Бу ҳақда Le Figaro нашри хабар берди.

Да Сильванинг тегишли нутқи журналистлар билан учрашувда эълон қилинган. Бразилия етакчисига кўра, Россия президенти Владимир Путин ва унинг армияси Украина ҳудудини эгаллаб ололмайди.

Эҳтимол, Қримни муҳокама қиламиз. Аммо Россия босқин ҳақида ўйлаши керак. Зеленский ҳам ҳамма нарсани хоҳаламайди. Дунёга тинчлик керак. Ечим топишимиз керак”, — деди у.

Бразилия президенти лойиҳани келаси ҳафта Пекинда хитойлик ҳамкасби Си Цзиньпинга тақдим этади. Да Сильва бу лойиҳанинг муваффақиятлилигига “ишончи комил”.

Эслатиб ўтамиз, Киев Россия қўшинларини ўзининг барча ҳудудидан, жумладан, 2014 йилда Россия томонидан аннексия қилинган Қримдан олиб чиқмасдан туриб, Москва билан музокаралар олиб боришдан бош тортмоқда.


arenda kvartira tashkent
Ctrl
Enter
Хато топдИнгизми
Иборани ажратиб Ctrl+Enter тугмасини босинг