Оддий россиялик учун норозилик “эркинлигини, айрим ҳолларда эса ҳаётини хавф остига қўйиш демакдир”. Коррупцияга қарши курашиш фонди ("ФБК") ижрочи директори Владимир Ашурков 1 май куни DW нашрига берган интервюсида бунга ишонч билдирди.
"Босқиннинг дастлабки ҳафталарида бўлиб ўтган норозилик намойишлари пасайди ва энди биз бемаъни ҳукмларни кўрмоқдамиз, сиз ижтимоий тармоқлардаги урушга қарши постлар учун ёки шунчаки кўчага бўш қоғоз билан чиққанингиз учун жарима ёки ҳатто қамоқ жазосига ҳукм қилишингиз мумкин", - деди Ашурков.
Шу билан бирга, у 8,5 йилга қамалган мухолифатчилар Иля Яшин ва 25 йилга қамалган Владимир Кара-Мурза тақдирини эслади.
Украинадаги уруш ҳақида ҳар қандай танқидни ўта хавфли қиладиган бир қатор репрессив қонунлар туфайли, Россияда очиқ норозилик билдиришга журъат этувчилар “кўп эмас”, дея хулоса қилди у.
Ноябр ойида DW Conflict Zone дастури эфирида Владимир Ашурков, агар мамлакатнинг сиёсий ва бизнес элитасидаги норозилик аҳолининг кенг тарқалган норозилиги устига қўйилса, Россияда ўзгаришлар юз бериши мумкинлиги ҳақида фикр билдирганди.
Унинг сўзларига кўра, уруш бошланганидан кейин бу икки гуруҳ одамлар оғир кунларни бошдан кечирган. Баъзилар моддий ҳолати пасайганини ҳис қилган, уларнинг Ғарбий Европада дам олишлари мумкин бўлган турмуш тарзи вайрон бўлган, бундан ташқари, болалари чет элдаги хусусий мактабларда ўқиган.
Шу билан бирга, оддий россиялик инфляцияга, Россиядан хорижий брендларнинг кетишига ва Украинадан доимий тобут оқимига дуч келди. "Бу жараёнлар вақт талаб этади, лекин қачондир улар бир-бирини кучайтиради. Бу, менимча, ўзгаришларнинг ягона ишончли сценарийси", деб тахмин қилган эди ўша пайтда Алексей Навалнийнинг тарафдори.
“Замин” янгиликларини “Telegram”да кузатиб боринг
