“Ўзимни Россиядаги ўзбекдай ҳис қиляпман” деган аёл ҳибсга олинди
Қозоғистонда банк картасини расмийлаштиришдаги бюрократиядан норозилигини билдириб видео мурожаат йўллаган Россия фуқароси бўлган аёл ҳибсга олинди. Олмаотага келган аёл ўз мурожаатида мамлакатдаги жараёнлардан норозилигини билдириб, ўзини “Россиядаги ўзбекка” ўхшатган иборани ишлатган ва кескин сўзларни қўллагани айтилган.
Фото: Видеодан кадр
Қозоғистонда Россия фуқароси бўлган аёл банк картасини расмийлаштириш учун Олмаотага келганидан сўнг юзага келган қийинчиликлар ҳақида видео мурожаат йўллади. У мурожаатида мамлакатдаги бюрократик жараёнлардан норози эканини билдирган ва ўзини “Россиядаги ўзбекка" ўхшатган иборани ишлатган.
Бу ҳақда Nur.kz хабар берди.
Мазкур видео ижтимоий тармоқларда кенг тарқалиб, турли мунозараларга сабаб бўлди. Унда аёл айрим кескин ва номақбул сўзларни ҳам ишлатгани айтилмоқда.
Ҳолат юзасидан Қозоғистон ҳуқуқ-тартибот идоралари томонидан унга нисбатан “майда безорилик” моддаси бўйича маъмурий иш қўзғатилган. Суд қарорига кўра, Россия фуқароси 10 суткага маъмурий қамоқ жазосига ҳукм қилинган.
Воқеа ижтимоий тармоқларда кенг муҳокама қилиниб, айримлар бюрократия муаммоларини кўтарган бўлса, бошқалар эса унинг сўзлаш услубини танқид қилмоқда.
Изоҳлар 0
…