Белгород вилояти ўққа тутилди: ўн киши яраланган

Белгород вилояти 1 июнга ўтар кечаси кенг миқёсда ўққа тутилди. Шебекино шаҳрига “Град”лардан зарба берилгани айтилмоқда.

Саккиз киши жароҳатланган, улардан уч нафари касалхонага ётқизилган, бир нафари қўлидан айрилган, деган губернатор Вячеслав Гладков.

Унинг сўзларига кўра, снаряднинг тўғридан-тўғри тушиши натижасида хусусий турар-жой биноси ёниб кетган. Шунингдек, кўп қаватли уйларнинг деразалари, балконлари ва деворларига шикаст етказилган.

Яна бир снаряд маъмурий бинонинг том қисмига тегиб, ёнғин содир бўлган. Воқеа жойига ўт ўчириш машиналари етиб келган. Бошқа бир маъмурий бинонинг фасад қисми снаряд парчалари  деразаларни синдириб юборган.

Валуйский шаҳрига қарашли Новопетровка қишлоғи ҳам артиллериядан ўққа тутилган. Дастлабки маълумотларга кўра, қишлоқ мактабининг яраланган  икки ўқитувчиси: бир эркак ва бир аёл туман марказий касалхонасига ётқизилган.

Мудофаа вазирлигининг “Звезда” телеканали манбаси Шебекинодаги Ички ишлар вазирлиги биносида ёнғин чиққани ҳақида хабар берган. Бунинг учун жавобгарликни “Россия кўнгиллилар корпуси” – “РДК” жангчилари ўз зиммасига олган.

База нашрининг ёзишича, ФСБ чегарачилари ва Мудофаа вазирлигининг Шебекино ҳудудидаги ҳарбийлари чегарадан 100 метр узоқликда жойлашган танклардан автомобил назорат пунктига ўқ узган диверсантларнинг ҳужумини қайтарган.

Z-каналлари Шебекино назорат пункти ҳудудида танк иштирокида жанг бўлаётгани ҳақида ёзади. «Два майора» паблиги муаллифларининг таъкидлашича, "битта танк чегара чизиғида турибди ва назорат пунктига қарата ўқ узмоқда", шунингдек, "20 га яқин чегарачилар ва Россия Қуролли Кучларининг 20 га яқин чақирилувчилари жангга кирган" - кейинчалик уларга ёрдам ва вертолётлар келган.

„Свобода России“ легиони эрталаб Россия ҳудудига ўтмоқчи эканлигини хабар қилди. Бундан ташқари, тузилманинг телеграм каналида рус техникаси вайрон қилинган фотосуратлар ва видеолар пайдо бўлган.

Айни пайтда губернатор "Белгород вилояти ҳудудида душман йўқ ва бўлмаган" деб даъво қилмоқда. Ҳозирда айрим хавфсиз ҳудудлар аҳолиси Белгород вилоятидан эвакуация қилинмоқда. Бошқа ҳудудларда отишмалар бўлаётгани сабабли одамларни эвакуация қилишнинг иложи йўқ. Бугун 200 киши – аёллар ва болалар Пензага экакуация қилинган. 3 июн, шанба куни эса яна 600 киши Калуга ва Ярославлга юборилади.

Шунингдек, вилоят аҳолисига Белгороддаги вақтинчалик яшаш марказларида жой таклиф этилади. Улардан бири “Белгород Арена” стадионидир. Шаҳар мэри Валентин Демидовнинг сўзларига кўра, бу жой 1000 ўринга мўлжалланган, зарур бўлса, яна 250 киши қабул қилиниши мумкин.

Бир кун олдин Давлат Думасининг Мудофаа бўйича қўмитаси аъзоси Андрей Гурулев Шебекинони диверсантлар Россия ҳудудига чуқур кириб кета олмаслиги учун бомбардимон қилишни таклиф қилган эди.