Байден Учинчи жаҳон уруши бошланишига нима сабаб бўлиши мумкинлигини айтди

АҚШ президенти Жо Байден Финляндия президенти саули Ниинистё билан бўлиб ўтган музокаралар якунлари бўйича матбуот анжумани чоғида Украинанинг Россия уруши фонида НАТОга кириши учинчи жаҳон урушининг бошланишини англатишини айтди. Бу ҳақда РИА Новости хабар бермоқда.

«Уруш ҳаракатлари давомида НАТОга ҳеч ким қўшилмайди: НАТОга аъзо давлатга ҳужум учинчи жаҳон урушини англатади. Гап уларнинг аъзо бўлиш-қўшмаслигида эмас, қачон НАТОга аъзо бўлишида», — деди Америка етакчиси.

Бундан олдин АҚШ Мудофаа вазири Ллойд Остин ҳам Украина уруш тугагандан сўнг Шимолий Атлантика алянси таркибига кириши мумкинлигини айтган.