Варшава Беларусни Полша ва НАТОга қарши провокацияда айблади

^{Фото: Maxim Guchek/BELTA/AFP via Getty Images}

Полша Беларусдан вертолётларнинг ўз ҳаво ҳудудига киришини ўта хавфли деб атади. Варшава келажакда провокациялар такрорланса, шунга мос жавоб қайтаришга ваъда берди.

Полша Мудофаа вазирлиги Беларус вертолётлари томонидан Полша ҳаво ҳудудининг бузилишини Полша ва НАТО шарқий қанотига қарши атайлаб қилинган провокация сифатида баҳолайди. «Бу ўта хавфли. Агар шундай вазиятлар давом этаверса ва кескинлик кучайса, унда потенциал таҳдидга муносабатимиз мутаносиб бўлади», - дея огоҳлантирди Полша мудофаа вазири ўринбосари Войцех Скуркевич 2 август, чоршанба куни Полша радиосига берган интервьюсида.

Варшавадаги ҳарбий идора 1 август оқшомида синчковлик билан текширилгандан сўнг, қўшни Беларусдан келган жанговар вертолётлар ўша куни эрталаб Полша ҳаво ҳудуди орқали Беловежи вилоятидан ўтганини тасдиқлади. Полша бу воқеа ҳақида НАТОни хабардор қилди ва Беларус билан чегарага қўшимча қўшин юборишга қарор қилди. Скуркевичнинг сўзларига кўра, чегарага қўшимча вертолётлар ҳам жойлаштирилади.

Беларус Мудофаа вазирлиги Полша ҳаво ҳудудини бузиш бўйича айбловларни рад этди.

Полшада Россиянинг «Вагнер» хусусий ҳарбий компаниясининг Беларусдаги ёлланма аскарлари фаолиятидан хавотирлар кучаймоқда. «Биз провокацияларни кутаётганимизни айтдик ва бу қисқа муддатли провокацияга айланди», - деди Полша ички ишлар вазири ўринбосари Мачей Васик. У Беларус ҳудудида олдинги йилларда ҳам провокациялар содир бўлганини таъкидлади.

Янгиликлар