Кеча, 10 август куни Россия кучлари Украинанинг Запорожье шаҳридаги меҳмонхонага ракета зарбаси берди.
Запорожье вилояти ҳарбий бошқармаси раҳбари Юрий Малашконинг маълум қилишича, ҳужум оқибатида 1 киши ҳалок бўлган. 16 киши, жумладан, 4 нафар бола жароҳат олган.
«Страна.уа»нинг ёзишича, Запароже шаҳрига «Искандер-К» ракетаси билан зарба берилган.
Украина президенти Владимир Зеленскийнинг сўзларига кўра, Запорожьега ракета ҳужумидан кейин ёнғин бошланган. Зеленский Россия қўшинларини ўққа тутишда айблади.
Россия қўшинларининг Украинага бостириб киришини қўллаб-қувватловчи айрим Telegram каналлар, рус қўшинлари НАТО аскарлари ва Украина қуролли кучлари жангчилари жойлашган жойга зарба бергани ҳақида ёзди. Бироқ ҳозирча Россия Федерацияси мудофаа вазирлиги бу ракета ҳужумига изоҳ бермади.