Украина ташқи ишлар вазири Дмитрий Кулеба Corriere della Sera нашрига берган интервьюсида қарши ҳужум секин, аммо барқарор давом этаётганини маълум қилди.
Қарши ҳужумдаги энг катта муаммо сифатида у руслар ўтган йил давомида қурган мустаҳкам мудофаа позицияларини кўрсатиб ўтган.
“Жангчиларимиз учун олдинга бориш осон эмас. Лекин охир-оқибат биз буни уддалаймиз. Мен Италияда Иккинчи жаҳон уруши пайтида Монте-Кассино жангини эслайман. Дастлаб Германиянинг даҳшатли позициялари иттифоқчилар йўлини тўсиб қўйган эди. Аммо тўрт ой ўтиб, улар немисларни мағлуб қилиб, муваффақиятга эришдилар”, — деди у.
Кулебанинг қайд этишича, Украина қўшинлари ҳам худди шундай вазиятда.
“Ишончим комилки, биз албатта ғалаба қозонамиз”, — деди Украина ташқи ишлар вазири.
“Zamin”ни Telegram'да ўқинг!
