Зеленский: “Украина Швециянинг Gripen қирувчи самолётларини олмоқчи”
Украиналик учувчилар Швециянинг Gripen қирувчи самолётларини синовдан ўтказишни бошлади. Бу ҳақда президент Владимир Зеленский Швеция бош вазири Ульф Кристерссон билан қўшма матбуот анжуманида маълум қилди.
“Биз Gripen қирувчи самолётлари ҳақида гаплашдик. Бу Швециянинг фахри. Учувчиларимиз Gripen самолётларида синовларни бошлашди. Швеция билан бу самолётларни олиш масаласи бўйича кейинги қадамларимиз ҳақида батафсил гаплашдик”, деди Украина президенти.
Зеленскийнинг сўзларига кўра, Швецияга бугунги ташрифи давомида у парламент спикери ва барча сиёсий кучлар вакиллари билан ҳам учрашади.
Аввалроқ Швеция ҳукумати Украинага янги 3,4 миллиард крон (314 миллион доллар) миқдоридаги ҳарбий ёрдам пакетини ажратаётгани ҳақида хабар берилганди.
Zamin AI билан мухокама килингЯнгиликни тахлил килинг, фойдали маслихатлар олинг
Изоҳлар 0
…