Россияда ўзбекистонликларни қул қилиб ишлатганлар ушланди

Россиянинг Ставропол ўлкасида полиция ўзбекистонликларни деҳқончилик қилишга мажбурлаган икки кишини қўлга олди.

Қайд қилинишича, Шпаковский туманидаги «Авиатор» қишлоғида яшовчи пенсионер икки таниши билан бирга Россияда ноқонуний яшаб келган ўзбекистонлик 31 ёшли эркак ва 27 ёшли аёлни номаълум шахслардан 20 минг рублга сотиб олган.

Нафақадаги эркак ва унинг шериклари ўзбекистонликларни 6 ой давомида деҳқончилик қилишга мажбурлаган. Ҳуқуқ-тартибот идоралари ходимлари ноқонуний озодликдан маҳрум қилиш фактини аниқлаб, икки кишини ҳибсга олган. Учинчи шерик июль ойи охирида вафот этгани маълум бўлган.

Пенсионерга нисбатан «Одамни ўғирлаш билан боғлиқ бўлмаган қонунга хилоф равишда озодликдан маҳрум қилиш» ва «Ноқонуний миграцияни ташкил этиш» моддалари бўйича жиноий иш қўзғатилган – ҳозир у тергов изоляторида. Иш бўйича иккинчи гумонланувчи уй қамоғида. Полиция одам савдогарларини қидирмоқда.

Шухрат Раззаков

«ЗАМИН.УЗ» муҳаррири

Мавзуга оид янгиликлар

Ижарадаги уйда фожеа: Россияда ўзбекистонлик меҳнат муҳожирлари вафот этди

Бугун, 00:48

Олимлар иссиқликнинг организмга кутилмаган салбий таъсирини аниқлашди

Кеча, 23:41

Кенияда 5 мингта чумоли билан қўлга тушган ёшлар ҳибсда

Кеча, 22:36

Экспо-2025”да 83 ёшли эркак қирғиз асалини ўғирлашга уринди

Кеча, 21:14

Голливуд юлдузларини 10 йилга ёшартираётган “сеҳрли дори”...

Кеча, 20:16

Билл Гейтс: “Сунъий интеллект шифокор ва ўқитувчиларнинг ўрнини босади”

Кеча, 19:41