Россия Украина вилоятларига 32 та дрон билан ҳужум қилди

Бугун, 4 сентябрга ўтар кечаси Россия кучлари Одесса ва Днепропетровск вилоятларига «Shahed -136/131» учувчисиз учоқлари билан ҳужум қилди.

Украина ҳарбий ҳаво кучлари маълумотларига кўра, камикадзе дронларининг ҳужуми жанубий ва жануби-шарқий йўналишдан (Кап-Чауда, Қрим ва Приморско-Ахтарск, Россия) амалга оширилган.

Маълумотларга кўра, Одесса ва Днепропетровск вилоятларига жами 32 та дронлар ҳужум қилган. Украина ҳаво мудофаа тизими 23 та дронни йўқ қилган.

Ҳужум оқибатида ҳалок бўлган ва ярадорлар йўқ.