Индонезия хорижий инвесторларни жалб қилиш учун “олтин виза” жорий қилади

Индонезия миллий иқтисодиётни рағбатлантириш учун хорижий жисмоний ва корпоратив инвесторларни жалб қилиш мақсадида “олтин визалар” тизимини жорий қилмоқда. Бу ҳақда мамлакатнинг Адлия ва инсон ҳуқуқлари вазирлиги маълум қилди.

“Олтин виза 5 йилдан 10 йилгача узоқ муддатга яшаш учун рухсатнома беради”, — деди иммиграция хизмати раҳбари Силми Карима.

Беш йиллик виза учун якка тартибдаги инвесторлар 2,5 миллион АҚШ долларилик компания очишлари керак, ўн йиллик виза учун эса 5 миллион АҚШ доллари миқдорида сармоя талаб этилади.

Корпоратив инвесторлар директорлар учун мўлжалланган беш йиллик визани олиш учун 25 миллион АҚШ доллари миқдорида сармоя киритишлари керак. Ўн йиллик виза олиш учун улар икки баробар кўп, яъни 50 миллион доллар сармоя киритиш зарур бўлади.