Яхши жиҳозланган ва тайёргарликдан ўтган Россия ҳарбийлари яқинда Украинанинг чарчаган армиясини бутунлай мағлуб этади, дейди собиқ америкалик разведка ходими Скотт Риттер “Danny Haiphong” YouTube каналига берган интервьюсида.
“Уларнинг (Украина Қуролли кучлари – таҳр.) бор кучлари тугади. Уларда аскарлар, танклар, пиёда жанговар машиналар қолмади, ҳеч нарса қолмади. Улар ҳозиргина Украина бош штаби захирада сақлаган сўнгги учта стратегик бригадани жангга ташладилар. Бу уч бригада ҳозир қаердалигини биласизми? Уларни жойида йўқ қилишяпти, ҳатто ҳеч қаерга силжишмаган”, — деди у.
Риттернинг таъкидлашича, Россия армияси шахсий таркиб ва техника бўйича сезиларли устунликка эга, шунинг учун Украина Қуролли кучларида шунчаки омон қолиш имконияти йўқ.
“Агар Украина Қуролли кучларининг ҳужуми ҳозир муваффақиятсизликка учраса, унда улар учун ҳаммаси тугайди. Улар қуршаб олинади ва йўқ қилинади”, - дея хулоса қилди разведкачи.
