458
Россия ташқи ишлар вазири Сергей Лавров Ғарбни «ёлғон империяси» деб атади.
«Дунёнинг қолган қисмига паст назар билан қарашга одатланган америкаликлар ва европаликлар кўпинча ваъдалар беради, мажбуриятларни, шу жумладан ёзма ва қонуний мажбуриятларни олади, кейин уларни бажармайди. [Россия] президент Владимир Владимирович Путин таъкидлаганидек, Ғарб ҳақиқий «ёлғонлар империяси», деди Россия ташқи ишлар вазири БМТ Бош ассамблеяси 78-сессиясининг умумий сиёсий муҳокамасида.
Лавров муҳокамада сўзга чиққан кўпчиликнинг «сайёра қайтариб бўлмас ўзгаришларни бошдан кечирмоқда» деган фикрга эътибор қаратди.
«Кўз ўнгимизда янги дунё тартиби туғилмоқда. Келажак контурлари глобал бойлик ва цивилизация хилма-хиллигини янада адолатли тақсимлаш тарафдори бўлган кўпчилик ва ўзининг ҳукмронлигини сақлаб қолиш учун неоколониал бўйсуниш усулларидан фойдаланадиган оз сонлилар ўртасидаги курашда яратилмоқда», - деди у.
«Коллектив Ғарбнинг ўзига хос ташриф қоғози - тенглик тамойилини қабул қилмаслик ва тўлиқ музокарага киришишдан қочиш», деб хулоса қилди Россия дипломатик хизмати раҳбари.
«Замин»ни Telegram’да ўқинг!
22:11, 8-05-2025
